John 4

UJesu ukhuluma lowesifazana weSamariya

1Kwathi-ke iNkosi isisazi ukuthi abaFarisi sebezwile ukuthi uJesu wenza wabhabhathiza abafundi abanengi kuloJohane ^a, 2lanxa uJesu ngokwakhe wayengabhabhathizi, kodwa abafundi bakhe ^b, 3wasuka eJudiya ^c, wasuka waya futhi eGalili ^d.

4Kodwa kwakumele ^e ukuthi adabule eSamariya ^f. 5Wafika-ke emzini weSamariya okuthiwa yiSikari ^g, eduze lesiqinti uJakobe asinika indodana yakhe uJosefa ^h; 6lomthombo kaJakobe wawulapho. Ngakho uJesu ekhathele ngohambo ⁱ wahlala ngokunjalo emthonjeni ^j. Kwakungaba lihola lesithupha* ^k. 7Kwafika owesifazana evela eSamariya ukuzakukha amanzi; uJesu wathi kuye: Nginathisa. 8(Ngoba abafundi bakhe babehambile baya emzini, ukuze bathenge ukudla ^l.) 9Ngakho owesifazana umSamariya wathi kuye: Kungani wena ungumJuda ucela ukunatha kimi, owesifazana ongumSamariya? Ngoba amaJuda awalabudlelwano lamaSamariya ^m. 10UJesu waphendula wathi kuye: Aluba ubusazi isipho sikaNkulunkulu, lokuthi ungubani othi kuwe: Nginathisa; ubuzacela kuye, njalo ubezakunika amanzi aphilayo ⁿ. 11Owesifazana wathi kuye: Nkosi, kawulalutho lokukha, lomgodi uyatshona; uwathethe ngaphi pho amanzi aphilayo? 12Wena umkhulu yini kulobaba wethu uJakobe, owasinika umgodi, wanatha kuwo yena, labantwana bakhe, lemihlambi yakhe? 13UJesu waphendula wathi kuye: Wonke onatha lamanzi, uzakoma futhi; 14kodwa loba ngubani onatha amanzi mina engizamnika wona, kasoze ome kuze kube laphakade ^o; kodwa amanzi engizamnika wona azakuba ngumthombo wamanzi phakathi kwakhe ogobhozela empilweni elaphakade ^p. 15Owesifazana wathi kuye: Nkosi, ngipha lawomanzi, ukuze ngingomi, ngingabe ngiseza lapha ukukha ^q. 16UJesu wathi kuye: Hamba, ubize umkakho, uze lapha ^r. 17Owesifazana waphendula wathi: Kangilandoda. UJesu wathi kuye: Utsho kuhle ukuthi: Kangilandoda; 18ngoba usuke waba lamadoda amahlanu, le olayo khathesi kayisiyo indoda yakho; lokhu ukutsho uqinisile. 19Owesifazana wathi kuye: Nkosi, ngiyabona ukuthi wena ungumprofethi ^s. 20Obaba bethu babekhonza kulintaba ^t; kodwa lina lithi iseJerusalema indawo lapho okufanele umuntu akhonze khona ^u. 21UJesu wathi kuye: Mama, kholwa kimi, ukuthi ihola liyeza ^v, lapho elizakhonza uBaba ^w kungeyisikho kulintaba, kumbe eJerusalema ^x. 22Lina likhonza elingakwaziyo ^y; thina sikhonza esikwaziyo; ngoba usindiso luvela kumaJuda ^z. 23Kodwa ihola liyeza njalo seliyilo ^aa, lapho abakhonzi abaqotho bazakhonza uBaba ngomoya ^ab langeqiniso ^ac; ngoba-ke uBaba udinga abanjalo abamkhonzayo ^ad. 24UNkulunkulu unguMoya ^ae; lalabo abamkhonzayo, bafanele ukukhonza ngomoya ^af langeqiniso ^ag. 25Owesifazana wathi kuye: Ngiyazi ukuthi uMesiya uyeza okuthiwa nguKristu ^ah; nxa lo esefikile ^ai, uzasitshela konke ^aj. 26UJesu wathi kuye: Mina nginguye, okhuluma lawe ^ak.

27Kwathi ngalesosikhathi bafika abafundi bakhe, bamangala ukuthi wayekhuluma lowesifazana; kodwa kakho owathi: Udingani? Kumbe: Ukhulumelani laye? 28Ngakho owesifazana wasetshiya inkonxa yakhe, wasesuka waya emzini, wathi ebantwini: 29Wozani, libone umuntu, ongitshele konke engakwenzayo ^al; kambe kayisuye yini uKristu lo ^am? 30Ngakho baphuma emzini, beza kuye.

31Kusenjalo abafundi bamncenga besithi: Rabi* ^an, dlana ^ao. 32Kodwa wathi kubo: Mina ngilokudla engikudlayo lina elingakwaziyo. 33Basebekhulumisana abafundi besithi: Kambe ukhona omlethele ukudla ^ap? 34UJesu wathi kubo: Ukudla kwami ^aq kuyikuthi ngenze intando yongithumileyo ^ar, lokuthi ngiqede umsebenzi wakhe ^as. 35Kalitsho yini ukuthi: Kuseselenyanga ezine ukuthi kufike ukuvuna? Khangelani, ngithi kini: Phakamisani amehlo enu ^at, libone amasimu ^au, ngoba asehle emhlophe elungele isivuno ^av. 36Njalo ovunayo wemukela umvuzo ^aw, njalo abuthe isithelo empilweni elaphakade; ukuze bobabili ohlanyelayo ^ax lovunayo bathokoze bendawonye ^ay. 37Ngoba kulokhu ilizwi liqinisile elokuthi: Omunye ngohlanyelayo, lomunye ngovunayo ^az. 38Mina ngalithuma ukuvuna ^ba lokho elingakusebenzelanga; ^bb abanye basebenzile, lina-ke selingenile emsebenzini wabo ^bc.

39Njalo amaSamariya amanengi akulowomuzi akholwa kuye ngenxa yelizwi lowesifazana ^bd, owafakaza esithi: Ungitshele konke engikwenzileyo ^be. 40Kwathi esefikile kuye amaSamariya, amncenga ukuthi ahlale lawo ^bf; wasehlala khona insuku ezimbili ^bg. 41Abanengi bengezelelwa bakholwa ngenxa yelizwi lakhe. 42Basebesithi kowesifazana: Kasisakholwa ngenxa yokutsho kwakho; ngoba sesizizwele thina, siyazi ukuthi oqotho lo unguMsindisi womhlaba, uKristu ^bh.

Ukusiliswa kwendodana yenduna eKapenawume

43Kwathi emva kwensuku ezimbili wasuka lapho ^bi, waya eGalili ^bj; 44ngoba uJesu ngokwakhe wafakaza ukuthi umprofethi kaladumo elizweni lakibo ^bk. 45Wathi esefikile eGalili, amaGalili amemukela ^bl, ebonile konke akwenzayo eJerusalema emkhosini ^bm; ngoba lawo ayeyile emkhosini ^bn.

46UJesu wafika-ke futhi eKana yeGalili ^bo, lapho enza khona amanzi aba liwayini ^bp. Kwakukhona othile owesikhosini, ondodana yakhe yayigula eKapenawume ^bq. 47Esezwile ukuthi uJesu usefikile eGalili evela eJudiya ^br, waya kuye, wamncenga ukuthi ehle, asilise indodana yakhe ^bs, ngoba yayisizaphela. 48Ngakho uJesu wathi kuye: Ngaphandle kokuthi ^bt libone izibonakaliso ^bu lezimangaliso ^bv, kalisoze likholwe. 49Owesikhosini wathi kuye: Nkosi, yehla ^bw engakafi umntanami ^bx. 50UJesu wathi kuye: Hamba; indodana yakho iyaphila. Umuntu wasekholwa ilizwi uJesu alikhuluma laye, wasuka wahamba. 51Kwathi esesehla ^by, inceku zakhe zamhlangabeza, zabika zathi: Umntanakho uyaphila. 52Wasezibuza ihola aqale ngalo ukuba ngcono. Zasezisithi kuye: Izolo ngehola lesikhombisa uqhuqho lumyekele ^bz. 53Ngakho uyise wazi ukuthi kwakungalelohola uJesu athi ngalo kuye: Indodana yakho iyaphila; wasekholwa yena lendlu yakhe yonke. 54UJesu waphinda wakwenza lokhu kwaba yisibonakaliso sesibili ^ca, efikile eGalili evela eJudiya ^cb.